Patay ang isang traffic enforcer nang pagbabarilin ito ng mga suspek na naka-riding in tandem sa Villaba, Leyte.
Kinilala ang biktima na si Jehinio Gaspay na nagtamo ng bala sa katawan at ulo kaya’t tinitingnan na ang anggulo kung may kinalaman sa trabaho ang nangyaring pagpatay.
Samantala, isang dating pulis ang napatay din sa pamamaril sa Cotabato City sa Mindanao.
Kinilala ang biktima na si Jimmy Bagundang na natagpuang nakabulagta at wala nang buhay sa kaniyang sariling tahanan.
Patuloy naman ang isinasagawang imbestigasyon ng pulisya kaugnay sa dalawang insidente.
