Nadakip ang dalawang Medical officer ng Communist New People’s Army (NPA)matapos makaengkwentro ang mga tauhan ng 1003rd Infantry Brigade sa Sitio New Laslasakan, Barangay Palma Gil sa bayan ng Talaingod sa Mindanao.
Ayon 10th Infantry Division Commander Major General Ernesto “Jun” Torres, nakasagupa ng kanyang mga tauhan ang isang grupo ng communist terrorist na pinamumunuan ng isang alyas ‘Macky’ na nagresulta sa pagkaka-dakip sa dalawang NPA terrorist habang nakatakas naman ang iba pa nilang kasamahan.
Nakuha sa encounter site ang tatlong m-16 assault rifles at isang m-4 rifle na hinihinalang sinadyang bitiwan ng mga nakatakas na NPA para lituhin ang mga otoridad. —sa panulat ni Angelica Doctolero
