Patay ang 2 miyembro ng Moro Islamic Liberation Front (MILF) sa pananambang sa isang gas station sa Tacurong City, Sultan Kudarat.
Kinilala ang mga nasawi na sina Sangutin Musil alyas Commander Jerry Amino at Alex Amino Toto.
Ayon kay Police Lt. Col. Rey Egos, Tacurong City Police Director, tinambangan ang dalawa sa AB gasoline station sa Alunan Highway ng mga hindi pa nakikilalang gunman.
Napag-alaman aniya na kasapi ng MILF ang dalawa batay sa I.D. na nakuha sakanila.
Rido o away pamilya ang tinitingnang anggulo sa pamamaslang.
