Dalawa ang napaulat na nasawi sa Ormoc City matapos ang pagtama ng magnitude 5.1 na lindol sa Leyte.
Ayon kay Ormoc City Police Deputy Director for Operations Superintendent Elma Delos Santos, kinilala ang mga nasawi na sina Maria Contreras Colasito na taga-Barangay Naungan at Rosita Baloro na taga-Barangay San Jose.
Aniya si Colasito ay nadulas at nabagok ang ulo habang si Baloro naman ay biglang nawalan ng malay at idineklarang dead on arrival nang dalhin sa ospital.
Dakong 6:26 ng umaga ng Miyerkules nang yanigin ng 51. magnitude na lindol ang Leyte kung saan nakita ng epicenter nito sa Albuera at naramdaman ang intensity 5 sa Ormoc City.
