Patay ang dalawang binatilyo matapos mabaril ng security guard ng isang construction company sa Payatas Quezon City.
Pumasok di umano sa compound ng construction company sina Angelo Lorenzo, 14-anyos at Joshua Aguirre, 12-anyos para manguha ng kalakal.
Gayunman, nang makita ng security guard na nakilalang si Jhonell Cordonez ang dalawa ay nagpaputok di umano ito ng warning shot subalit aksidenteng tumama sa mga binatilyo.
Hindi naman kumbinsido ang pamilya ng dalawang biktima na warning shot ang pinaputok ni Cordonez.
Imposible anilang warning shot ang siyam na bala ng shotgun na tumama kay Joshua at tatlo naman kay Angelo.
—-
