Nakapagtalaga na ng dalawang (2) bagong mga commissioner ng Presidential Commission for the Urban Poor (PCUP) si Pangulong Rodrigo Duterte.
Itinalaga ng Pangulo si Randy Hamili Halasan bilang kapalit ni PCUP Commissioner Manuel Serra Jr., habang si Norman Brillantes Baloro naman ang hahalili kay Commissioner Joan Lagunda.
Magugunitang sinibak ng Pangulo si PCUP Chairperson Terry Ridon at apat (4) pang mga commissioner dahil sa junket o madalas na pagbiyahe abroad.
Matapos nito ay inalok ni Pangulong Duterte si CNN Hero of the Year Efren Peñaflorida na pamunuan ang PCUP ngunit tinanggihan niya ito.
Samantala, itinalaga din ng Pangulo si Bernie Ferrer Cruz bilang Undersecretary ng Department of Agrarian Reform (DAR) at Rachel Anne Sibugan – Herrera bilang bagong commissioner ng Climate Change Commission.
