Hinuli ng mga tauhan ng Quezon City Police District (QCPD) ang dalawang suspek sa iligal na droga sa bahagi ng barangay West Kamias, Quezon City.
Ayon sa mga otoridad, nahulihan ng shabu ang dalawang suspek na kinilalang sina Misraim Mamauag Y Panoringan, 26-anyos at Richard Martinez Y Estardo, 30-anyos.
Nakuha sa mga suspek ang 32 gramo ng hinihinalang shabu na tinatayang nagkakahalaga ng mahigit 200,000 piso kasama ng siyam na piraso ng heat sealed transparent plastic sachet na naglalaman ng hinihinalang droga, 1,000 piso, 16 na piraso ng pekeng 1,000, isang coin purse at isang cellphone.
Paglabag sa RA 9165 o Comprehensive Dangerous Drugs Act of 2002 ang kaosng isinampa laban sa dalawang inarestong suspek. —sa panulat ni Angelica Doctolero
