18 tao ang nalason matapos na kumain ng puffer fish o isdang butete sa Ozamis City.
Ayon sa City Health Office ng syudad, agad na dinala sa ospital ang mga biktima matapos na maranas ng pagsusuka at pagkahilo ilang oras matapos na kumain ng butete.
Isa umanong residente ang nakahuli ng apat na kilo ng puffer fish, niluto niya ito at ibinahagi sa kanyang mga kapitbahay.
Hawak na ng mga otoridad ang sample ng nilutong puffer fish para suriin.
