Naibalik na sa maximum compound ng New Bilibid Prisons (NBP) sa Muntinlupa ang 17 sa 19 na high profile inmates na tinaguriang Bilibid 19.
Kaninang madaling araw ay nailipat na ang grupo sa bagong renovate na Building 14, mula sa kanilang pansamantalang kulungan sa NBI Detention Center.
Ayon kay NBI Director Virgilio Mendez, kasama sa mga inilipat sa Bilibid, ang drug lord na nahuli sa Sablayan Penal Colony na si Ruben Tiu.
Ang building 14 ay ang ginamit na kulungan dati para sa mga nasa death row.
Sa 19, isa ang nasawi na dahil sa sakit na kanser, habang ang isa ay nananatili sa ospital dahil sa stroke.
