Labing apat (14) ang patay matapos pagbabarilin ng suspek na nakasuot ng uniporme ng pulis ang mga sumasambang sibilyan sa isang shrine sa Kabul, Afghanistan.
Ayon kay Ministry of Interior Spokesman Sediq Sediqqi, aabot naman sa 36 ang sugatan sa insidente.
Sinasabing matapos ang pamamaril ay nasundan pa ito ng pagsabog batay sa salaysay ng mga nakaligtas sa naturang pag-atake.
Lumalabas sa imbestigasyon na tatlo ang suspek ngunit isa lamang sa mga ito ang nahuli at napatay ng mga awtoridad.
Inaalam pa ng mga kinauukulan ang motibo sa nangyaring pamamaril.
By Ralph Obina
Photo Credit: AP
