Patay ang 11 sundalo habang 13 ang sugatan sa pakikipagsagupa sa Abu Sayyaf Group sa Patikul, Sulu.
Nabatid na nagsasagawa ng combat operations ang mga tauhan ng 21st infantry batallion ng Philippine Army nang makasagupa ang 40 bandido na pinamumunuan nina Radullan Sahiron at Hatib Hadjan Sawadjaan sa Sitio Bud Lubong, Barangay Danag.
Ang nasabing engkuwentro ay tumagal ng halos isang oras bago tuluyang tumakas ang mga terorista pa hilagang silangang bahaging lugar.
Tinangay din ng mga bandido ang ilang baril, bala at handheld radio ng mga sundalo.
Isinugod naman kaagad sa Camp Teodolfo Bautista Hospital sa Jolo at Camp Navarro Hospital sa Zamboanga City ang mga sugatang sundalo.
Tumanggi pa ang mga otoridad na pangalanan ang mga nasawing sundalo hangga’t hindi pa naipapaalam sa kanilang pamilya ang nangyari sa mga ito.
