Pangkalahatang naging mapayapa ang Misa de Gallo kasabay ng pagbagsak ng crime rate sa Metro Manila sa pagdiriwang ng pasko.
Batay sa datos ng National Capital Region Police Office (NCRPO), mayroon lamang 100 index crime incidents na naitala mula Disyembre 16 hanggang 24.
Kumpara ito sa 154 crime incidents sa kaparehong panahon noong isang taon at 190 noong 2020.
Inihayag ni NCRPO spokesman, LT. Col. Dexter Versola na walang naiulat na anumang insidente sa paligid ng simbahan sa buong siyam na simbang gabi.
Naging alerto anya ang lahat ng kanilang miyembro, kabilang ang force multipliers upang mapanatili ang kaayusan at seguridad ng publiko, lalo sa paligid ng mga simbahan. –sa panulat ni Jenn Patrolla
