Umabot na sa Isang milyon ang bilang ng mga enrollee sa Grade 11 o Senior High School.
Ayon kay Education Secretary Armin Luistro, umaasa sila na tataas pa ang bilang ng mga enrollee lalo’t nasa 1,600 paaralan ang hindi pa nagsusumite ng kani-kanilang report hinggil sa mga nag-enroll.
Mula sa mahigit isang Milyong Senior High School, nasa 690,000 ang nasa public schools habang tinatayang 317,000 sa private schools.
Saklaw ng Senior-High ang nalalabing dalawang taon ng K to 12 program na kinabibilangan ng Grades 11 at 12 kung saan daraan ang mga estudyante sa Core Curriculum at subjects sa ilalim ng track na kanilang napili.
Kabilang sa mga ito ang academic track, technical-vocational-livelihood track, arts and design track at sports track.
By: Drew Nacino
