Nakakuha ang mga otoridad ng nasa isang kilong shabu sa bahay ni dating Lanao Assemblyman Salic Samer Malic habang nagsasagawa ng clearing operations sa Marawi City.
Ayon kay PNP – Drug Enforcement Group Chief/Insp. William Santos, nakalagay ang nasabing iligal na droga sa isang pink na bag sa loob ng vault sa bahay ni Malic.
Paliwanag pa ni Santos, kabilang si Malic sa drug watchlist ng pulisya at itinuturing na high value target sa Lanao del Sur.
Isa rin, aniya si Malic sa mga sumusuporta at nagpopondo sa teroristang grupong Maute.
Sinabi pa ni Santos na kanilang nalaman na kay Malic ang nasabing bahay batay na rin sa mga nakitang mga dokumento at blank checks na may pangalan ng dating Assemblyman.
By Krista De Dios
