Madaragdagan pa ang mga magiging tagapagsalita ni incoming president Rodrigo Duterte sa katauhan ni dating pastor Ernesto Abella.
Ito ang kinumpirma ni incoming presidential spokesman Atty. Salvador Panelo kasunod ng pagkakatalaga kay Abella bilang deputy presidential spokesperson.
Ayon kay Panelo, wala aniyang magiging problema kahit italaga si abella bilang kaniyang deputy dahil kapwa nila batid ang nilalaman ng isip ng susunod na pangulo ng bansa.
Sa panig naman ni Abella, inamin nito na hindi pa sila nagkakausap ni panelo at hindi rin siya pamilyar sa magiging set up ng bago niyang trabaho.
Malaki aniya ang naging utang na loob sa nuo’y Davao City mayor na si Rodrigo Duterte nang dukutin siya ng mga miyembro ng Moro Islamic Liberation Front o MILF noong taong 1996.
By: Jaymark Dagala
