Nagpasaklolo si President-elect Rodrigo Duterte sa OPM artist na si Aiza Seguerra at asawa nitong si Liza Diño para sa promotion ng arts and culture sa bansa.
Ayon kay Aiza, magpupulong sila ng kanyang mga kaibigang artist upang maglatag ng mga hakbang para i-angat at ibalik ang dating sigla ng kanilang industriya.
Ito, anya, ay bilang bahagi ng economic agenda ng incoming Duterte Administration.
Ikinatuwa naman ni Liza ang pagkilala ni Duterte sa kahalagahan ng arts and culture sa bansa.
Gayunman, tikom ang bibig ng mag-asawa sa tanong kung posibleng maging bahagi sila ng susunod na administrasyon.
Magugunitang naging aktibo sina Aiza at Liza sa pagsuporta kay Mayor Digong sa kasagsagan ng campaign period.
By: Drew Nacino
