Maaari pa ring makakuha ng impormasyon at mga polisiya sa Duterte Administration, kahit pa binoycott ni President Elect Rodrigo Duterte ang media.
Sinabi ni incoming Presidential Spokesman Atty. Salvador Panelo na bilang tagapagsalita at Press Secretary, tungkulin niyang ipaabot sa publiko ang mga polisiya at programa ng administrasyong Duterte.
Plano rin ni Panelo na magkaroon ng Lingguhang press briefings para mabatid ng publiko ang mga ginagawa ng Pangulo.
Maglalabas din aniya ang kanyang tanggapan ng mga pahayag in-black-and- white para hindi ma-misquote at maiwasan ang kalituhan.
Bukod kay Panelo, mayroon din itong kahalili sa paglalabas ng impormasyon sa pamamagitan ni incoming Presidential Communications Secretary Martin Andanar.
By: Meann Tanbio
