Umabot na sa 29 ang kumpirmadong election related incidents mula Enero 10 hanggang Mayo 8.
Ayon sa Philippine National Police (PNP), ito ay mula sa 160 naitalang insidente ng karahasan sa buong bansa.
Sa 29 na nakumpirmang election related incidents, 16 ang nasawi at 9 ang mga nasaktan.
Nueva Ecija incident
Isa katao ang sugatan sa bakbakan ng mga supporter ng dalawang mayoral candidate sa bayan ng San Leonardo sa Nueva Ecija.
Sinasabing nag-deploy na ng mga dagdag na pwersa ang pulisya at militar sa nabanggit na bayan.
Hindi pa matukoy ng mga awtoridad kung kaninong grupo ang sangkot sa madugong engkwentro.
Tatlo (3) ang mga tumatakbo sa pagka-alkalde sa lugar na kinabibilangan nina Rodolfo Cuartero, Amang Nagaño at Elan Nagaño.
Ayon sa ulat, ito na ang ika-anim na election-related violence sa lalawigan ng Nueva Ecija.
By Katrina Valle | Jelbert Perdez
