Sa pagtatapos ng termino sa 2022 ng mga kumakandidatong pangulo ngayon nagsimula ang ikatlo at huling yugto ng PiliPinas Debates 2016 kahapon sa University of Pangasinan.
Sa kanilang opening statement, pagkakaroon ng uniform of law at modernong sektor ng agrikultura ang inihayag ni Senadora Miriam Defensor Santiago.
Pagkakaroon ng isang malinis na pamahalaan, mapayapang bansa na walang droga ang nais namang makita ni Davao City Mayor Rodrigo Duterte.
Pag-angat ng buhay ng bawat Pilipino naman ang nais makita ni Vice President Jejomar Binay sa pagtatapos ng kaniyang termino.
Habang isang disente at bansang puno ng pagkakataon ang nakikita naman ni dating Secretary Mar Roxas.
Para kay Senadora Grace Poe naman, isang bansang kumakalinga sa pangangailangan ng bayan ang nais niyang iwanan sakaling manalo.
By Jaymark Dagala
