No show ang ilang miyembro ng gabinete na inimbitahan sa pagdinig ng Senado hinggil sa Kidapawan incident.
Kabilang sa mga hindi sumipot sa hearing sina DILG Secretary Mel Senen Sarmiento, DSWD Secretary Dinky Soliman, Agriculture Secretary Proceso Alcala at Budget Secretary Butch Abad.
Ang Regional Director ng DILG Region 12 ang kumatawan kay Sarmiento.
Habang si DSWD Undersecretary Vilma Cabrera ang kumatawan kay Secretary Dinky Soliman na aniya’y nasa Mati, Davao Oriental ngayon.
Sa panig ng Department of Agriculture, si Undersecretary Dennis Guerrero ang ipinadalang kinatawan ni Secretary Proceso Alcala.
Ipinaliwanag ni Guerrero na kaya hindi nakadalo si Alcala ay dahil mayroon itong emergency meeting.
Dismayado naman si Senador Juan Ponce Enrile sa hindi pagdalo ng mga nabanggit na cabinet member.
By Meann Tanbio
Photo Credit: cnnph
