Isang 27-anyos na dalaga mula sa Quezon City ang pinakahuling biktima ng panggagahasa ng isang taxi driver at mga kasabwat nito.
Ayon sa imbestigasyon, naglalakad sa tapat ng isang mall sa EDSA noong Linggo ng gabi ang biktima nang tutukan ng patalim ng isa sa mga suspek at pwersahan itong isinakay sa taxi.
Dinala ang biktima sa Bulacan Street sa Barangay Bungad kung saan halinhinan itong ginahasa sa likod o backseat ng taxi hanggang kinabukasan.
Sinasabing iniwan ng mga suspek ang kawawang biktima sa kanto ng Quezon Avenue at West Avenue sa naturang lungsod.
Nagsagawa na ng ocular investigation ang mga tauhan ng Quezon City Police District at pinag-aaralan na rin ang mga CCTV sa lugar upang matukoy ang taxi na ginamit ng mga salarin.
Matatandaang may mga katulad na ring kaso ng panggagahasa sa loob ng taxi na naitala ng pulisya nitong mga nakaraang linggo.
By Jelbert Perdez
