Dumating na sa Pilipinas si US Defense Secretary Ash Carter.
Layunin ng pagbisita ni Carter na palakasin ang military relations ng Pilipinas at Amerika.
Plano ring saksihan ng kalihim ang nagaganap na Balikatan exercises sa pagitan ng Armed Forces of the Philippines at US Armed Forces.
Nakatakda namang magpulong sina Defense Secretary Voltaire Gazmin at Carter upang talakayin ang ilang issue gaya ng military aid ng Amerika sa Pilipinas.
Samantala, magpupulong din ang mga Defense official ng Pilipinas at Vietnam ngayong Linggo upang talakayin ang posibleng joint military exercises ng dalawang bansa sa gitna ng umiinit na territorial dispute sa Spratly Islands.
By Drew Nacino
