Dalawang anggulo ang tinitingnan ng mga awtoridad sa pagkawala ng libu-libong plaka sa plate-making plant ng Land Transportation Office (LTO) sa Quezon City noong Holy Week.
Ayon kay SPO4 Leonardo Pasco, Deputy Chief for Investigation ng Quezon City Police District, ito’y maaring inside job o robbery.
Sinabi ni Pasco na pinagsusumite na ng kanilang sinumpaang salaysay ang 19 na suspendidong empleyado.
Bukod pa rito, sinasabing isasalang din ang mga kawani ng planta sa lie detector test.
Giit ng opisyal, posibleng may kasabwat sa tanggapan ng LTO ang mga magnanakaw kaya’t naisakatuparan ang naturang krimen.
By Jelbert Perdez
