Mananatili pa rin ang mahigpit na seguridad sa bansa kahit pa natapos na ang paggunita sa Mahal na Araw.
Ito ang tiniyak ng Malacañang kasabay ng pagbabalik Maynila ng mga bakasyunista mula sa mga lalawigan.
Ayon kay Presidential Communications Secretary Sonny Coloma, nananatiling maagap at mataas ang antas ng kahandaan ng pamahalaan sa pagtugon sa anumang banta sa pambansang seguridad.
Magugunitang inatasan ni Pangulong Benigno Aquino III ang iba’t ibang ahensya ng gobyerno na paigtingin ang seguridad ng bansa kasunod ng nangyaring pag-atake sa Brussels noong isang linggo.
By Jaymark Dagala
