Arestado sa isang drug buy bust operation sa Luneta ang tatlong (3) Chinese at dalawang (2) Pilipino.
Nahuli ng grupo ni Chief Insp. Enrico Figueroa ng QCPD District Anti – Illegal Drugs – Special Operations Task Group ang mga suspek sakay ng isang itim na Mitsubishi Montero Sports na may plakang AQA 3092 at isang kulay puti na Toyota Fortuner na wala pang plaka.
Kinilala ni QCPD District Director Eduardo Tiño ang mga suspek na sina Pete Son Kee Yu, Kian Lee alyas Joey Lee, Simon Tan, Amir Caña at Josne Balinti.
Sinabi ni Tiño na kasama sa limang suspek ang lider ng grupo na nag-ooperate sa Caloocan, Cavite, CALABARZON at Central Luzon.
Nakuha mula sa mga suspek ang 5 kilong shabu na nagkakahalaga ng tinatayang P15 milyong piso.
By Katrina Valle | Aya Yupangco (Patrol 5)
