Nanindigan ang grupong Automated Elections Systems o AES Watch, na dapat sundin ang batas hinggil sa vote verification program ng vote counting machine (VCM).
Sinabi ni AES Watch Spokesman Nelson Celis na hindi naman maaring gamitin sa pagbili ng boto ang naturang resibo lalo na at hindi naman ito maaring ilabas sa presinto.
Ipinaliwanag ni Celis na bagamat ipapakita sa botante ang resibo, kanila naman itong iiwan sa presinto kung saan makikita ng poll watcher.
“Hindi po pupuwedeng mailabas ng botante ang resibo, unang-una po merong prosesong dapat gawin, pagkapasok ng balota, paglabas ng resibo meron pa pong isang ballot box doon na katulad nang ginagamit natin sa manual elections, yung dilaw, doon po ihuhulog, nakikita po dapat ng poll watchers, paglabas ng botante, wala po dapat siyang mailabas.” Paliwanang ni Celis.
By Katrina Valle | Sapol ni Jarius Bondoc