Halos 14 na porsyento ang ibinaba ng mga nagparehistrong may kapansanan para sa May 9 elections.
Ayon sa report ng COMELEC at Barangay Affairs Department, naging mahigit 292,000 na lamang ang nagparehistrong persons with disability ngayong taon mula sa halos 340,000 nagparehistro noong October 2013.
Ang no bio, no boto campaign ng COMELEC ang nakikitang dahilan ng ilang disability advocates kayat bumaba ang mga nagparehistrong PWDs.
Posible rin namang hindi na idineklara ng ilang PWDs na nagparehistro noong isang taon ang kanilang disability dahil naniniwala silang hindi na kailangan ng special assistance para sa mismong araw ng eleksyon.
Batay sa 2010 census, may 1.443 million PWDs ang bansa o halos 2 porsyento ito ng kabuuang populasyon.
By Judith Larino