Itinanggi ng aktres na si Erich Gonzales na nagli-live in na sila ng Brazilian-Japanese boyfriend niyang si Daniel Matsunaga.
Paglilinaw ni Erich, may kanya-kanya silang bahay.
Dagdag pa ni Erich, may ipinapatayong bahay si Daniel na sampung minuto lang ang layo sa bahay niya.
Sinabi ni Erich na nais nilang ikasal muna bago magsama sa isang bahay.
Samantala, kinumpirma ng magkasintahang Erich at Daniel na nagprisinta na ang TV host / actress na si Kris Aquino na maging ninang kung sakaling ikasal na sila.
Matatandaang sa TV show ni Kris nagkakilala at naging magkaibigan sina Daniel at Erich.
By Jelbert Perdez
