Sinagot ng Malacañang ang mga paratang ni Vice President Sara Duterte na pilit siyang sinisiraan matapos ang paglitaw ng testimonya ng dating security officer ni dating House Speaker Lord Allan Velasco.
Ayon kay Palace Press Officer Claire Castro, dapat maturuan ang pangalawang pangulo na matutong sumagot nang may ebidensya sa mga akusasyon nito bago magturo ng iba.
Nag-ugat ang banat ni Castro sa inilabas na pahayag ni VP Sara, kung saan pinasinungalingan nito ang testimonya ng dating pulis at security officer ni Velasco na si Rodolfo Gracioso Jr.
Dagdag pa ng opisyal ng Malacañang, dapat alamin ng bise presidente ang kahulugan ng mga argumentative fallacies na “red herring” at “ad hominem” upang maintindihan nito ang kamalian sa mga pahayag nito. | Sa panulat ni Anjo Riñon
