Sinabi ni Atty. Domingo Cayosa, former president ng Integrated Bar of the Philippines (IBP), na binibigyan ng Konstitusyon ang Senado ng kapangyarihang mag-promulgate ng sarili nitong rules kapag ito ay nagsisilbing impeachment court.
Aniya, Senate Impeachment Court ang nagsisilbing “sole judge” sa mga usapin ng impeachment, kaya hindi umano basta maaaring pakialaman ng Korte Suprema ang mga desisyong may kaugnayan sa paglilitis.
Ayon kay Cayosa, hindi naman nangangahulugan ito na maaaring baguhin ng Senado ang mismong Konstitusyon. Sa halip, maaari nitong bigyang-kahulugan at ipatupad ang mga constitutional provisions sa ilalim ng sarili nitong rules.
Dagdag pa niya, maaari lamang makialam ang Korte Suprema kung may grave abuse of discretion sa naging aksyon ng impeachment court.
