Humihiling ang Department of Justice (DOJ) ng dagdag na confidential funds para sa 2027 budget, dahil sa mga bagong hamon sa pagpapatupad ng batas.
Para sa 2027, nagmumungkahi ang DOJ ng kabuuang budget na 46.435 bilyong piso, katumbas ng 0.64 percent ng 7.2 trillion pesos national budget.
Ayon kay DOJ Secretary Freddrick Vida, hiniling ang dagdag na pondo para sa Inter-Agency Council Against Trafficking, at pondo para sa paglaban sa cybercrime at online sexual abuse at exploitation of children.
Matatandaang sa Senate budget hearing, inihayag na nasa 579.4 milyong piso ang kabuuang confidential funds ng ahensya at mga attached agencies, mas mababa kumpara sa 1.1 bilyong piso noong 2026.
Samantala, humihingi rin ang Bureau of Immigration ng dagdag na sampu hanggang dalawampung milyong piso sa confidential funds, kung saan ay makatutulong anila sa pagdagdag ng personnel, partikular sa Fugitive Search Unit. | Sa panulat ni Reabelle Medina
