Aminado si DILG Sec. Jonvic Remulla na nagkamali siya patungkol sa isyu ng “asylum request” ni dating presidential spokesman Atty. Harry Roque.
Ginawa ni Remulla ang pahayag sa pagtalakay ng panukalang budget ng DILG para sa susunod na taon.
Ayon kay Remulla, may pagkakamali siya sa naunang anunsyo na “denied” ang hiling na asylum ni Roque, at sa katunayan ay wala pang desisyon ang Austria sa naturang usapin.
Para sa kalihim, kung maihahambing… nasa “purgatoryo” ang sitwasyon ni Roque dahil “either accepted or denied” ang asylum request dahil nasa pagpapasya pa rin aniya ng Austria ang hiling nito.
Sa kabila nito, umaasa sila na made-deny ito at makakauwi na si Roque sa Pilipinas dahil kailangan niyang harapin ang kaso laban sa kanya.
Nabatid na si Roque ay may kasong human trafficking dahil sa kaugnayan niya sa POGO na Lucky South 99. | via Geli Mendez (DWIZ Patrol)
