Ipinag-utos ni Pangulong Ferdinand Marcos Jr. ang pagsama ng contract-of-service (COS) at job-order (JO) government workers sa mga social protection coverage ng gobyerno.
Naglabas si Marcos ng Administrative Order No. 43 na nagpapadali sa boluntaryong pagbabawas at paghuhulog ng mga kontribusyon sa Social Security System (SSS), Philippine Health Insurance Corp. (PhilHealth), at Pag-IBIG Fund para sa mga manggagawang nasa ilalim ng Contract of Service (COS) at Job Order (JO) sa pamahalaan.
Saklaw ng order ang lahat ng departamento, ahensya, kawanihan at mga opisina kabilang ang government-owned or controlled corporations (GOCCs) at state universities and colleges (SUCs)
Hinihikayat din ang mga local government units (LGUs) na sundin ang mga probisyon ng nasabing kautusan.
#DWIZ #DWIZNews #DWIZ882AM
