Pumalo na sa 347.3-million pesos ang pinsala sa sektor ng agrikultura dahil sa Habagat at mga nagdaang bagyong Luis at Maymay.
Ayon sa Department of Agriculture (DA), naapektuhan ng masamang panahon ang mahigit sampung libong ektarya ng sakahan sa Ilocos Region, Cagayan Valley, Central Luzon, CALABARZON, MIMAROPA, at Western Visayas.
Apektado rin ang mahigit labindalawang libong magsasaka, habang halos sampung libong metriko tonelada ang nawalang produksiyon.
Pinakamalaki ang pinsala sa palay na umabot sa 242-million pesos, sinundan ng high-value crops na 73.9-million pesos at mais na 12-million pesos.
Samantala, may 16-million pesos damage sa irrigation facilities at 2-million pesos sa farm structures, habang may 786-thousand pesos na pinsala sa livestock at 102-thousand pesos sa cassava. | sa panulat ni Jordan Gutierrez
