Tiwala ang kampo ni Vice President Sara Duterte na mababakasura lamang ang reklamong grave threats na isinampa ng Department of Justice (DOJ) laban sa kanilang kliyente.
Ayon kay Atty. Paul Lawrence Lim, legal counsel ni VP Sara, inaasahan na nila ang nasabing kaso at handa silang kwestiyunin ito sa Quezon City Regional Trial Court.
Iginiit din ng kampo ng Pangalawang Pangulo na presumed innocent pa rin ang kanilang kliyente habang umaasa sila na ibasura ang mga kasong isinampa laban kay V.P. Duterte.
Kaugnay ang nasabing kaso sa mga banta ni VP Sara laban kay Pangulong Ferdinand Marcos Jr., First Lady Liza Araneta-Marcos at dating House Speaker Ferdinand Martin Romualdez.
Kasama rin ang mga naturang pahayag sa Article 4 ng impeachment complaint laban sa Bise Presidente na kasalukuyang dinidinig sa Senate Impeachment Court. l mula sa panulat ni Jordan Gutierrez
