Kumpiyansa ang House prosecution panel na matagumpay nilang naiprisinta ang mga ebidensya at testigo para sa Article 4 o grave threats laban kay Vice President Sara Duterte.
Kasunod ito ng pagtestigo ni National Bureau of Investigation Director Melvin Matibag, bilang huling witness stand ng prosekusyon bago ang pagtalakay sa Article 1 na may kaugnayan sa sinasabing maling paggamit ng confidential at intelligence funds.
Samantala, masaya naman si House Lead Prosecutor Gerville Luistro sa naging resulta ng naging unang artikulo ng impeachment.
Anya, handa na ang prosekusyon para sa mga natitirang tatlong articles.
Naniniwala si Luistro na “powerful witness” ang iniharap nila sa pagdinig, partikular sina NBI Senior Agent John Mark Calilung, NBI Regional Director Atty. Jeremy Lotoc, at NBI Dir. Melvin Matibag kaya hindi na anya kinailangang pang magsagawa ng re-direct examination.—sa panulat ni Reabelle Medina mula kay Jenn Patrolla (Patrol 38)
