Inaasahang agad na mararamdaman sa mga supermarket ang pagtaas ng presyo ng ilang bilihin sa sandaling ipatupad ang dagdag-sahod sa mga minimum wage earners sa Metro Manila.
Ito ang ibinabala ni Philippine Amalgamated Supermarkets Association Executive Director Steven Cua kasabay ng unang sigwada ng umento na 60 pesos simula sa Sabado, Hulyo a-beinte singko.
Tiyak aniyang tataas din ang labor cost sa oras na tuluyang ipatupad ang wage hike na makaaapekto sa presyo ng mga produkto, bukod pa sa dagdag-gastusin ng mga negosyo sa kuryente at produktong petrolyo na kapwa hindi rin mapipigilan ang pagmahal.—sa panulat ni Daniela De Guzman
