Hindi nagsumite ng counter-affidavit si Senador Robin Padilla kaugnay ng reklamong obstruction of justice na may kaugnayan sa pag-alis ni Sen. Ronald “Bato” dela Rosa sa Senado noong Mayo, ayon kay Ombudsman Jesus Crispin Remulla.
Sinabi ni Ombudsman Jesus Crispin Remulla na hindi tumugon si Padilla sa utos ng kanilang tanggapan. Samantala, naisumite na ni Sen. Alan Peter Cayetano ang kaniyang counter-affidavit, habang pinagbigyan ng 10-araw na palugit ang dating Senate Sergeant-at-Arms na si Mao Aplasca.
Noong Hunyo 24, inatasan ng Ombudsman sina Sen. Padilla, Sen. Cayetano, at Aplasca na magsumite ng kanilang counter-affidavit kaugnay ng reklamong inihain ng civil society coalition na Tindig Pilipinas.
Ang reklamo ay may nag-ugat sa umano’y pagtulong sa pagtakas ni Senador Ronald “Bato” dela Rosa mula sa Senado matapos tangkain ng mga awtoridad na ihatid ang warrant of arrest ng International Criminal Court (ICC).
