Sinuportahan ng Department of Trade and Industry (DTI) ang pagpapalawak ng charging at battery-swapping stations ng Vietnamese electric vehicle company na VinFast sa Pilipinas.
Ito ay makaraang makipagpulong ang DTI sa mga opisyal ng VinFast para talakayin ang expansion plans at regulatory framework para sa EV charging at battery-swapping stations.
Kasabay niyan ay nakabukas naman hanggang July 18 ang pre-order para sa VinFast e-motorcycle lineup na Evo, Feliz II, at Viper.
Ang mga nasabing e-motorcycles ang compatible sa target na 30,000 battery swapping at charging stations sa bansa, kung saan mas mapapadali ang paggamit ng electric motorcycles ng milyon-milyong riders.
Nagsisimula sa P64,400 ang presyo ng mga modelo, na may P3,000 na down payment at anim na taong warranty.
Maaari nang mag-pre-order ang mga interesadong buyer sa mga opisyal na VinFast showroom at online.
