Pinapapaspasan na ng pamahalaan ang pagpapatapos sa Unified Grand Central Station sa panulukan ng EDSA at North Avenue sa Quezon City.
Ito’y matapos aprubahan ng Economy and Development Council ang mga pagbabago sa LRT-1 South Extension Project upang masuportahan ang operasyon ng naturang pasilidad.
Ayon sa Department of Economy, Planning, and Development, target ng pamahalaan na mabuksan na ang naturang istasyon sa Marso 2028.
Inaasahang mase-serbisyuhan ng Common Station ang mahigit isang milyong pasahero kada araw upang makonekta ang LRT-1, MRT-3, MRT-7, at ang Metro Manila Subway. | Sa panulat ni Anjo Riñon
