Nakahanda ang Philippine National Police na ipatupad ang anumang warrant of arrest na maaaring ilabas ng Sandiganbayan laban kay Senador Rodante Marcoleta kasunod ng paghahain ng kasong plunder ng Office of the Ombudsman.
Ayon kay PNP spokesman Colonel Allen Rae Co, nakahanda na ang operational plan ng pulisya at gagamitin ang kaparehong template na ipinatupad sa pagsisilbi ng arrest warrant laban kay Senador Jinggoy Estrada.
Tiniyak ni Colonel Co na may nakahanda nang koordinasyon sa pamunuan ng Senado sakaling maglabas ng warrant habang may sesyon ang mataas na kapulungan.
Iginiit ng PNP na mananatili silang sumusunod sa batas at sa anumang utos ng hukuman.—sa panulat ni Jordan Gutierrez
