Nanawagan ang Land Transportation Franchising and Regulatory Board (LTFRB) sa mga driver ng public utility vehicles (PUV) na huwag mag-vlog o gumawa ng social media content habang nagmamaneho.
Ayon kay LTFRB Chairman Vigor Mendoza II, paglabag ito sa Anti-Distracted Driving Act at naglalagay sa panganib sa mga pasahero at iba pang gumagamit ng kalsada.
Naglabas na rin ang LTFRB ng memorandum circular na nag-uutos sa mga operator na tiyaking susundin ng kanilang mga driver ang batas.
Sa oras na maipatupad ang memorandum, papatawan ng ₱5,000 multa ang mga PUV driver na mahuhuling nagva-vlog, gumagawa ng content, o gumagamit ng social media habang nagmamaneho. Kasalukuyan na lamang itong isinasapinal bago tuluyang ipatupad.
