Pinalawig ng pamahalaan ng Pilipinas ang visa-free entry para sa mga may-hawak ng Taiwan passport na bibisita sa bansa nang hanggang labing-apat na araw o mas maikli pa.
Ang naturang extension ay nagsimulang magkabisa nitong July 1 lamang na magtatagal hanggang June 30, 2027.
Ayon sa Manila Economic and Cultural Office o MECO, ipinatupad ang extension bilang pagtugon sa reciprocity o kapalit na pribilehiyo, matapos ding payagan ng Taiwan ang visa-free entry para sa mga Pilipinong bumibisita sa kanilang bansa.
Gayunman, nilinaw ng MECO na ang 14-day visa-free stay ay hindi maaaring palawigin o i-convert sa ibang uri ng visa habang nasa Pilipinas.
Samantala, ang mga Taiwanese na nagbabalak manatili sa bansa nang higit sa labing-apat na araw ay kinakailangang kumuha ng kaukulang visa bago ang kanilang pagpasok sa Pilipinas. | Sa panulat ni Reabelle Medina
