Tiniyak ng Malacañang na hindi maaantala ng impeachment trial ni Vice President Sara Duterte ang imbestigasyon ng pamahalaan sa umano’y iregularidad sa mga flood control project.
Ito ay kasunod ng pahayag ni Senador Alan Peter Cayetano na hindi dapat matabunan ng impeachment proceedings ang mga kaso ng katiwalian.
Ayon kay Communications Undersecretary Claire Castro, tuloy-tuloy ang trabaho ng National Bureau of Investigation, Office of the Ombudsman, at Department of Justice sa pagsisiyasat at pagsasampa ng kaukulang kaso.
