Naghain si Senador Robin Padilla ng Senate Resolution No. 4-7-2, layong bigyang-pugay ang buhay, legasiya, at natatanging ambag sa Philippine sports ng yumaong Ateneo Blue Eagles student-athlete na si Rene Clert “Bobet” Baterbonia.
Sa naturang resolusyon, kinilala ang dedikasyon, disiplina, at husay ni Baterbonia bilang student-athlete na naging inspirasyon sa kabataang Pilipino.
Binigyang-diin din ang kanyang pagmamahal sa pamilya, paaralan, at bayan, gayundin ang kanyang pagsisikap na makamit ang athletic scholarship para sa mas magandang kinabukasan.
Bukod dito, sinabi ni Sen. Padilla na sa pagre-presenta ni Baterbonia sa kanyang paaralan at sa bansa, naipakita nito ang tunay na diwa ng isang atletang Pilipino na may tiyaga, disiplina, at hangaring magtagumpay. Sa panulat ni Reabelle Medina.
