Nanatiling positibo ang pananaw ng mga kumpanya mula Sweden na mamuhunan sa Pilipinas, ngunit nag-aalala pa rin ang mga ito sa mga hamong napapansin sa pamahalaan at lipunan.
Ayon sa pinakabagong Swedish-Philippine Business Climate Survey, kabilang sa mga ito ang katiwalian; at ilang isyu sa regulasyon at imprastruktura.
Iginiit naman ni Swedish Trade Commissioner to the Philippines Johan Lennefalk na nakasalalay sa kung paano pagbabatayan ng mga kumpanya ang overall business environment ng bansa, may korapsyon mang napapansin ang mga ito o wala.
Gayunman, nananatili ang pagtingin ng mga kumpanyang mula Sweden na posible pa ring maging isang strategic growth market ang Pilipinas dahil sa malaki at mas batang consumer base at growth potential. — Sa panulat ni Anjo Riñon
