Nagbabala si dating Senate President Franklin Drilon na maaaring malagay sa panganib ang kredibilidad ng bansa kung mabibigo o mawawalan ng tiwala ang publiko sa impeachment trial laban kay Vice President Sara Duterte.
Ayon kay Franklin Drilon, mahalagang pairalin ng mga senador ang katotohanan at kapakanan ng bayan sa pagdinig.
Binigyang-diin din niya na hindi dapat maulit ang anumang hakbang na magdudulot ng pagdududa sa proseso gaya ng impeachment trial noong 2000 laban kay dating Pangulong Joseph Estrada, kung saan nauwi sa EDSA Dos ang pagtanggi ng ilang mambabatas na buksan ang ikalawang sobre na naglalaman ng mga ebidensya hinggil sa isang lihim na bank account.
Kaugnay nito, hinimok niya si Senate President Sherwin Gatchalian na palakasin ang suporta sa loob ng Senado para maiwasan ang patuloy na hidwaan sa gitna ng isyu ng impeachment at nalalapit na halalan sa 2028. — Sa panulat ni Reabelle Medina
