Walang inaasahang maraming bagong ebidensya mula sa kampo ni Vice President Sara Duterte sa pagharap nito sa impeachment case.
Ayon kay Bicol Saro Party-list Representative Terry Ridon, malaking bahagi ng depensa ng Bise Presidente ay magmumula rin sa mga ebidensyang iniharap ng prosekusyon.
Aniya, sa halip na maglatag ng panibagong mga dokumento, posibleng tutukan ng depensa ang pagbibigay ng ibang interpretasyon sa mga ebidensya at pagpapaliwanag na hindi ito nangangahulugan ng ipinakikita ng prosekusyon.
Dagdag ni Ridon, layunin ng kampo ni Duterte na linawin ang konteksto ng mga dokumento at patunay na iniharap sa kaso.
