Maglalagay ng libreng condom sa mga istasyon ng MRT-3 ang Philippine National AIDS Council (PNAC), bilang bahagi ng kampanya kontra pagtaas ng kaso ng HIV sa bansa, simula bukas, May 28.
Aabot sa 10,000 condom ang ipamamahagi at ilalagay sa mga restroom ng lahat ng istasyon ng MRT-3.
Ayon kay PNAC Executive Director Joselito Feliciano, lalagyan din ng mga paalala at impormasyon ang mga C.R. ukol sa tamang paggamit ng condom at kahalagahan nito sa pag-iwas sa HIV.
Batay sa pinakahuling datos, higit apat na libong bagong kaso ng HIV ang naitala sa unang quarter ng taon, kung saan karamihan sa mga nagpositibo ay mga lalaking nakikipagtalik sa kapwa lalaki.—sa panulat ni Reabelle Medina
