Hinihintay na lamang ng House prosecution panel ang opisyal na kalendaryo mula sa Senate impeachment court kung kailan sisimulan ang impeachment trial.
Ayon kay House prosecutor Terry Ridon, inaasahan nilang magsisimula ang schedule matapos makumpleto ng magkabilang kampo ang pre-trial proceedings.
Anya, habang wala pang pinal na petsa mula sa Senado, inaasahan ng House prosecution panel na sisimulan na sa kalagitnaan ng Hunyo ang impeachment trial.
Samantala, tiniyak naman ni House trial spokesperson Zia Alonto Adiong na handa ang 11-member prosecution panel sa anumang petsang itatakda ng impeachment court.
Gayunman, nilinaw ni Adiong na wala pa silang natatanggap na pormal na abiso kaugnay sa schedule ng impeachment trial ni Vice President Sara Duterte.—ulat mula kay Geli Mendez (Patrol 30)
